StarfsáriÐ 2026–2027
Dagskrá vetrarins er ótrúlega spennandi og fjölbreytt; ný og gömul tónlist, spennandi gestir og eitthvað fyrir alla!
Næstu tónleikar
Jólafjör með þoRrra og þURu
5. desember, norðurljós
Árlegir jólatónleikar Stórsveitarinnar. Tónleikarnir eru ætlaðir börnum og foreldrum þeirra á öllum aldri. Fullt af skemmtilegum jólalögum sem allir þekkja í nýjum og skemmtilegum útsetningum. Sjónvarpsstjörnurnar Þorri og Þura kíkja í heimsókn hjálpa öllum að komast í jólaskap. Eiríkur Rafn Stefánsson stjórnar.
GullLöld SveifLunnNar
10. janúar, eldborg
Stórsveit Reykjavíkur heldur sína árvissu og vinsælu nýárstónleika í Eldborg. Tónleikarnir eru helgaðir swingtímabilinu 1930–50, þegar stórsveitir réðu ríkjum í tónlistarheiminum og stjórnendur, söngvarar og einleikarar voru poppstjörnur síns tíma. Ný og spennandi efnisskrá á hverju ári úr nótnabókum stórsveita Glenn Miller, Benny Goodman, Duke Ellington, Count Basie, Woody Herman, Tommy Dorsey og fleiri. Einungis eru fluttar upprunalegar útsetningar og ekkert er sparað til að gera þennan atburð sem glæsilegastan. Gestasöngvarar ársins eru þau Salka Sól, Jógvan Hansen og Kristjana Stefáns. Sigurður Flosason stjórnar og kynnir.
Síðasta útgáfa
ÖræfI
Ný plata píanóleikarans Kjartans Valdemarssonar og Stórsveitar Reykjavíkur. Platan geymir sjö nýleg verk eftir Kjartan sem öll eru skrifuð fyrir sveitina. Tónlistin er tileinkuð náttúru Íslands. Verkin spegla okkar fjölbreytta landslag frá hinu stærsta og hrikalegasta til hins smæsta og fegursta. Platan var tekin upp á vormánuðum. Samúel Jón Samúelsson stjórnar sveitinni.